Gobierno Vasco

 

Guraso agurgarriak,

                          

Ikasturte berri honi hasiera emateko gure institutua aukeratu duzuen familiei ongi etorria ematen dizuet. Dakizuenez ikastetxeko zuzendaritzan aldaketa bat izan da eta aprobetxatu nahi ditut lerro hauek , hezkuntza komunitate guztiaren izenean,  urte askotan ikastetxeko zuzendaria izan den Josu Etxabururi eskerrak emateko gure institutuan egin duen lan handiagatik .

Zuzendaritza berri honek lau urterako konpromisoa hartu du eta nirekin batera osatzen duten zuzendaritzako kideei Aintzane Etxeberria Ikasketa Buru moduan eta Daniel Lopezi idazkari moduan eskertu nahi diet hartu duten konpromisoa .

Hezkuntza Komunitate osoari ere eskerrak ematea bidezkoa dela uste dut. Osatzen dugun komunitate honetan  irakasle, familiak eta langile ez dozenteak ,  zuen seme-alaben hezkuntza eta heziketa denon betebeharra dela sentitzen dugu, bakoitza bere esparrutik eta modu koordinatuan arituz.

Ikasturte honetan proiektu berriekin eta orain arte ditugun batzuekin lanean jarraituko dugu.: 

·          HAUSPOA proiektuak bere 6. ikasturtea beteko du aurten eta onartu digute jarraipena izatea eta gainera proiektu honetan hasten diren ikastetxeetan tutore lanak egingo ditugu. Proiektu honen arrakasta bermatzeko denon inplikazioa behar beharrezkoa da. Orain arte familia batzuen kolaborazioa izatea lortu dugu, parte hartze aktibo hau gehitzeko helburuarekin animatzen zaituztegu tailerren bat eskaintzen zuen jakituria edo dohainak partekatzeko gure ikasleekin. Hurrengo orrialdean ikusgai duzue 2018-2019.ikasturterako prestatu dugun egitura eta eskaintza. Eskaintza hau ez da estatikoa, aukera desberdinak aztertu ala proposatzen joango gara.

·          IRAKURKETA PLANA idazten hasiko gara ikasturte honetan HIZKUNTZA PLANAREN  barruan. Horretarako hainbat formazio saio antolatu ditugu irakasleentzat.

·          “ABERASTE CURRICULARRA” proiektuaren 2. urtea izango da. Arlo, ekintza osagarri, ikastetxe-kanpoko edo Hauspoaren bitartez ekintza desberdinak Saiatuko gara aukeran ematen; gure ikasle guztiek konpetentzia desberdinak garatzen joan daitezen. Aniztasunaren trataeraren barruan kokatzen da.

·          STEAM proiektuaren barruan zientziarekin lotutako  proiektuak garatuko ditugu: ROBOTIKA , ZIENTZIA AZOKA ETA EGIN ETA EKIN.

·          AGENDA21 /IRAES. Aurtengo helburua  ESKOLA JASANGARRIAREN ZIURTAGIRIAREKIN BATERA EMATEN DUTEN jasangarritasun bandera berristea da. Familien partaidetza eskatuko da.

·          HEZKIDETZA eta BIZIKIDETZA PLANA onartu genuen aurreko ikasturtean eta orain horrekin lotuta garrantzia hartzen du BAT  talde eragileak ( Bulling Aurkako Taldea) egitasmoa oso garrantzitsua da eta izan behar da guztiontzat. Irakasle taldeak eta familiek aukera izan zuten honen inguruko formazio saioak egiteko. Ikasturte honetan formazioa ez dozenteekin egitea izango zen betebeharrekoa. Elkarbizitza parekidea eta osasuntsua lortzea da gure helburua.

·          LAN KOOPERATIBOA (IK/KI)metodologian ere aurrera jarraitzen dugu. Metodologia hau erabiltzen duten  irakasle kopurua urtez urte  handitzen doa. Ikasgela guztiak  hornitu ditugu etologia honek eskatzen duena errazteko.

·          HNP. Hizkuntza Normalkuntza Proiektuan urte asko daramagu euskararen erabilera indartzeko. Aurten urte berezia izango dugu EUSKARALDIA dela eta horren inguruko ekintzak burutuko ditugu.

 

     HEZKUNTZA PROIEKTUAN oinarrituta eta gure egiteko moduei jarraituz beste aspektu hauek ere lantzen jarraituko dugu:

 

·          IKT IKASTETXE EREDUAREN. Aurreko Ikasturtean lortu genuen  MAILA AURRERATUA eta aurrera pausoak ematen bide honetatik jarraituko dugu. Ikastetxea heldutasun maila handiago batera eraman nahi dugu gizarte digitalean bizi diren gure ikasleak prestatzeko.

·          Gure filosofiarekin barruan SARE DESBERDINETAN parte hartzen dugu: HNP (Hizkuntza Normalkuntzarako Proiektua), EA 21 (Eskola Agenda 21 sostengarritasunarekin lotuta), KH (Kalitatea Hezkuntzan), Hezkidetza Mintegia, Eleaniztasunerantz, Bizikidetza,  …

·          PARTEKATUTAKO TUTORETZA mantentzen  dugu.Tutoretza ikastetxearen oinarri denez , sistema honek laguntzen digu gure helburuak betetzen; horrela ikasle guztiekin norbanako tutoretza eta orientazioa egin dezakegu eta jarraipena egiteko familiekin gutxienez ebaluazio bakoitzean behin harremanetan jarriko gara.

·          ELEANIZTASUNAREN aldeko apustuaren barruan,alde batetik ingelesez egin daitezkeen arlo batzuk eskaintzen ditugu, bestetik  frantsesaren eta alemanaren aukera mantentzen dugu; horrez gain, aurten ere, ikasleekin ahozkotasuna lantzeko INGELESEKO ELKARRIZKETA LAGUNTZAILEA izango dugu gurekin urritik aurrera.  Hauspoa proiektuan ere parte hartuko du.

·          IKASTETXEKO DOKUMENTU NAGUZIEN BERRIKUSKETARI ekingo diogu: HEZKUNTZA PROIEKTUA  eta IKASTETXEKO CURRICULUM PROIEKTUA.

·          BERDINEN ARTEKO TUTORETZEI jarraipena emango diegu IKASLE LAGUNTZAILEAK ETA LHTARRAK programen bidez.

·          IKASLEEN PARTE HARTZEA bultzatuko dugu institutuak eskaintzen dituen zeregin guztietan modu  orekatu, integratzaile eta solidarioan.

·          ELKARTRUKE EUROPEARRAK burutuko ditugu, momentuz PEINE (Alemania) herriko IGS Peine ikastetxe integraleko ikasleekin adostuta dago;  eta kontaktuan hasi gara PALERMOKO (Italia) ikastetxe batekin . Ikastetxe

·          ANIZTASUNARI ERANTZUNA. Ikasleei begirako errefortzu saioak indartu ditugu 1.,2. eta 3.  mailetan, ikasgai instrumentaletan  2 irakasle izango dira gelan aldi berean, astean behin edo bi aldiz. Horrez gain-programazioetan jasotzen dira beste neurri batzuk. Horrez gain Curriculum Desberdintzeko taldea onartu digute 2. Urtea egiteko. 

·          ELORRIOKO UDALAREKIN harreman sistematikoak izan nahi ditugu, eraikuntzaren gabeziak zuzentzen joateko eta baita gure ikastetxeko proiektu desberdinetan parte-hartzea edo inplikazioa lortzeko.

IRAKASKUNTZA PUBLIKOAREN NORTASUN  IRUDIA lantzen jarraitzen dugu, eta irakaskuntza publikoari dagokien kanpaina desberdinetan Elorrio Herri Ikastetxearekin eta Guraso Elkartearekin batera planteamendu orokorrak egiten saiatuko gara.

Hemen aipatu ditugun ekimen desberdinak gure ikastetxea eraikitzen eta eraberritzen laguntzen digun heinean denon partaidetza ezinbesteko da. Institutua hezkuntza komunitateari zabalik egotea eta Elorrioko herriarentzat  aktibo bat izatea nahi dugu; azken baten inguruarekin lotzen den erakundea izatea gustatuko litzaiguke

Eskerrik asko eta zuen iradokizunak jasotzeko prest

 

 

Agurtzane Berriozabal

Elorrio Institutuko zuzendaria

 

 

© Elorrio BHI
Telefonoa: 946582713 | Fax: 946582713 | idazkari@elorrioinstitutua.eus