Gobierno Vasco

AGENDA (handiago HEMEN)

 

                       

 

 


eposta

castellano materiales

 

 

 

 

 

 

Teknologia baliabideak

IBAIALDE
Ibaialde_2017-06-07 1. mailako ikasleek IBAIALDE proiektuan parte hartu zuten. Gorputz Hezkuntzako eta Biologiako irakasleekin batera San Agustin auzora joan ziren eta bertan errekako uraren kalitatea aztertzeaz gain, bertako landaredia eta fauna aztertu zituzten.

Hona hemen irteeraren argazki batzuk.

Egin eta Ekin DURANGO TELEBISTAN (2017-05-30) eta PRENTSAN (2017-06-02 eta 2017-06-05)
Gure institutuko 1B gelako garaileak DURANGO TELEBISTAN agertu dira gaur. Nahia Buruaga, Unax Salterain, Izaro Sanchez eta Auritz Ugaldeak proiektuaren berri eman dute kamararen aurrean.

Luze aritu dira solasean, natural eta irrifartsu.

DOT-eko web orriko albistea osorik irakurtzeko sartu HEMEN.

DEIA-ko albistea ikusteko sartu HEMEN.

Anboto-ko prentsan ere agertu dira 2017-06-02an.

Anboto.org-ko albistea

Gure ikastetxean ez dago lekurik LGTBfobiarentzat
LGTB_Maiatzak17_2017-05-17 Orokorrean aniztasun- sexualarekiko jarrera diskriminatzailea da. Nahiz eta azken hamarkadotan aurrerapauso itzela eman bisibilizazioan, onarpen mailan, eta legeberdintasunean; LGTB pertsonen kontrako uko egite, agresioak, diskriminazioa eta jazarpenak ez dira desagertu.

Ikastetxeetan ere honelako ikasleriaren kontrako diskriminazioa ematen da: mehatxatzen da, iraintzen da, ezikusiarena egiten da, umilatzen da.

Bortizkeria psikikoa denean autuestimua kaltetzen da. Badira beste hainbat portaera, bortitzatzat jotzen ez direnak, baina ezinegona eta mina sortzen dituztenak; esaterako, genero estereotipoei ez jarraitzeagatik aditzen diren txisteak, esamesak. Hauek guztiak ere bortizkeriak dira.

LGTBfobia normalizatu egin dugu, beraz, garrantzia kendu izan zaio lgtb ikasleek egunero pairatzen duten bortizkeria. "Haurren kontuak" direla esaten dugu askotan. "Marimutil" edo "marikoi" bezalako hitzei inportantzia kentzen diegu. Batzuetan aipatutako hitzak erabiltzen ditugu ez iraintzeko, agian, baina beti da diskriminazioa.

LGTB pertsonek egunero pairatzen dute: inbisibilizazioa, estigma kutsadura (defendatzen baditugu edo haiekin harreman estua izatea aski izan daiteke erasoen jomugan jartzeko), laguntza eza…

Horiek guztiak ez dira garrantzirik gabeko txantxak eta ez dira kasualitatez egiten, LGTB pertsonen kontrako agresioak banalizatzen dituen kultura sexistaren isla direlako. Egoera honi buelta emateko, interakzio hauetan parte ez hartzea ez da nahikorik, proaktiboak izan behar dugu. Baina banalizazio honen ondorioz, askotan ez da erraza behar-beharrezkoak diren erantzun trinkoak noiz eman identifikatzea, ezta erantzun eraginkorrak asmatzea ere: egoera batzuk handizkatu ahal ditugu edo ixiltasunaren legearen partaideak izan gaitezke. Ez da erraza ez, are gutxiago erantzunak bakardadean ematen badira.

Berdinen arteko tratu txarrek biktimaren eskubideak urratzen dituzte, haren osotasun psikikoa eta fisikoa; Bigarren Hezkuntzan, hain zuzen ere, honelako jazarpenek absentismo mailarekin, ikasketa aldaketekin eta eskola porrotarekin harreman zuzena dute: ez dute ikastetxera joan nahi besteen aurrean irainduta eta bazterturik izateko, edo irrigarri uzteko.

Ikastetxeko Hezkidetza-Elkarbizitzako Lan Taldea

Egin eta Ekin. PRENTSAN (2017-05-26)
Albistea prentsan Gure institutuko 1B gelako garaileak prentsan agertu dira gaur, "El Correo"-k egindako elkarrizketan. Nahia Buruaga, Unax Salterain, Izaro Sanchez eta Auritz Ugaldea prestu, natural eta irrifartsu ageri dira albistean.

Web orriko albistea osorik irakurtzeko sartu HEMEN.

Albistea web-ean

ORTUKO PRODUKTUAK
Ortuko_produktuak_2017-05-19 Ikasturtea aurrera doa eta ortuko produktuak, bertokoak eta sasoikoak, badatoz. Baba beltzak eta berakatzak hemen ditugu. Orain sukaldera eraman, prestatzea eta jatea besterik ez da falta.

On egin denoi!

BASURTOKO OSPITALERA BISITA
Basurtoko ospitalera bisita 4. DBH Eleaniztasuneko ikasleak, maiatzaren 18an, Basurtuko unibertsitate ospitalean izan ziren eta bertako Areto Nagusian, osakidetzari eta ospitalari buruzko informazio-saio labur bat izan zuten.

Jarraian, Gurtubai pabilioian kokaturiko Mikrobiologia eta serologiako laborategira bideratu ziren eta han, Ramón Cisterna doktoreak harrera egin zien bertan egiten den lanari buruzko azalpenak emateko. Azalpen honen ondoren ikasleek bertako eguneroko lanak ikusteko aukera izan zuten.

Egin eta Ekin. 1. SARIA!!!
Egin_eta_Ekin_2017-05-19 Elorrio Institutuko DBH1-eko ikasleak Leioara joan dira "Egin eta Ekin" ekintzailetza proiektuan parte hartzeagatik, sari banaketara.

Goiz entrenetenigarri eta dibertigarri bat pasatzeaz gain, sari bat ekarri dugu gurekin. Asmakizunen lehen saria!!

Asmakizun saritua: "IMAK: istripuak murrizteko argidun kamiseta" izan da, hain zuzen ere.

Zorionak parte hartzaile guztiei, eta batez ere, gureak diren Nahia Buruaga, Unax Salterain, Izaro Sanchez eta Auritz Ugaldeari!!!

EUSKAL CONFINT 2017
Euskal_Konfit_2017-05-18 IRAES taldeko ikasle batzuk maiatzaren 17an Madariaga dorretxean ospatu zen EUSKAL CONFINTean parte hartu genuen. Palma olioari buruz kurtsoan zehar landutakoa beste 15 ikastetxe jasangarrietako ikasleekin partekatuz tailer desberdinetan.

Gazteen konferentzia elkarrekin dantza eginez amaitu genuen.

ESKOLA ARTEKO FOROA ETA UDAL FOROA
Foroak_2017-05-12 Aurreko ostiralean, maiatzaren 12an, eskola arteko foroa burutu genuen Txintxirri ikastolako ikasleekin batera.

Bi orduko tailerrak egin eta gero, udaletxera joan ginen udal arduradunekin biltzeko. Bertan gure proposamenak helarazi genizkien, herri mailan mugikortasun arloan hobekuntzak egiteko asmoarekin.

PARISERA BIDAIA 2017
Paris_2017-05-09 DBH3 eta DBH4ko Frantseseko ikasleek Maiatzaren 9tik 12ra bitartean Parisera bidaia egin dute.

Argazkiak hemen dituzue ikusgai.

ZIENTZIA AZOKA, Bilboko Plaza Berrian maiatzaren 6an
Zientzia_Azoka_2017-05-06 Aurtengo zientzia azokako ediziora 6 ikerketa lan aurkeztu ditugu Elorrioko Institututik eta ikasleek euren lanak epai-mahaiaren aurrean eta bisitarien aurrean ere aurkeztu behar izan zituzten.

Ikasturte honetan DBH3ko ikasleek ikertzeko aukeratu dituzten gaiak hauek izan dira:
- The Placebo effect
- Nikotina gehien zurgatzen duen materiala
- Why fruits rot?
- Trafikoaren arazoa nola murriztu
- Improving compost
- Zergatik gustatzen zaigu janari industriala etxekoa baino gehiago?


Esperientzia bikaina izateaz gain, hainbat familia ere hurbildu ziren bertatik bertara egindako lanak ikusteko.

Zorionik beroena ikasleei ikasturte osoko lan bikaina egiteagatik eta Bilbon azalpenak ematerakoan ere maila ederra erakusteagatik!

ASIAR LIZTORRA
Asiar_Liztorra_2017-05-08 Arantza Royuelaren eskutik formazioa jaso eta gero, tranpak zelan egin ikasi eta ondoren SanJose parkean eskegi genituen. Aste betera batu eta asiar liztor bakarra agertu zen, bertoko bosten artean.

Hau ikusita, tranpak berriro ez jartzea erabaki genuen, aurten beranduegi gabiltzala ikusita.

Ia datorren urtean otsailean hasten garen eta asiar liztor gehiago harrapatzen ditugun!

BADATOR ZIENTZIA AZOKA 2017
Zientzia_Azoka_2017-05-03 Datorren maiatzaren 6an Bilboko Plaza Berrian Elhuyarrek antolatzen duen Zientzia Azoka ospatuko da.

Horren berri emateko, Bilboko Udaletxean izan den prentsaurrekoan parte hartu dute iazko irabazleek: Irati Irazabal, Patxi Eguren eta Elene Arando. Han egon dira kazetariei egindako lanen buruzko argibideak ematen.

GAZTEEN EBALUAZIO PLANA
Ortuko produktuak Apirilaren 27an Idoia Buruaga Elorrioko alkate anderea, Maitane Lopez zinegotzia eta Urtxintxa eskolako begirale bi, Laura eta Arantxa, ikastetxeko ikasle guztiekin elkartu ziren Udalak, "Gazteen Ebaluazio Plana" egiteko duen asmoa aurkezteko.

Alkateak emandako datuak oso interesgarriak izan ziren gure ikasleek udaleko funtzionamenduari buruz informazio minimo bat izateko. Ikasleen partaidetza eskatu zuen gazteen iritzia edo proposamenak jasotzea interesatzen zaielako horren arabera plana eratzen joateko. Maiatzaren lehen astean urtxintxa eskolakoekin gela bakoitzean saio bat erabiliko dute eginkizun honetarako.

Eskertu nahi dugu herriko autoritateak gure ikasleekin egoteko hartu duen denbora. Mila esker.

ORTUKO PRODUKTUAK
Ortuko produktuak Ikasturtea aurrera doa eta ortuko produktuak, bertokoak eta sasoikoak, badatoz. Baba beltzak eta berakatzak hemen ditugu. Orain sukaldera eraman, prestatzea eta jatea besterik ez da falta.

On egin denoi!

ARTIKOA BABES DEZAGUN

IRAES taldekoek gure kontsumo ohiturek klima aldaketan duten eragina azaldu nahi izan dugu bideo honetan.

FRANKOFONIA
Francofonia_2016-2017 4. mailako frantseseko ikasleak Frankofonia ospatu dute Fray Juan De Zumarragako frantseseko ikasleekin batera.

ESKOLAKO CONFINT-a
Confint_2016-2017 IRAES taldekoek planetaren aldeko gazteen konferentzia antolatu genuen areto nagusian.

Palma olioaren erabilerak sortzen dituen arazoez eta hauei aurre egiteko har daitezkeen neurriez eztabaidatu genuen.

Eskerrik asko denoi zuen ekarpenengatik.

ERROR (no puede mostrarse el objeto)

LANDER GALLASTEGI ESKIATZAILE TREBATUA!!!
Lander_Gallastegi_SKY_2017-04-07 Lander Gallastegik eta bere gidariak, Andrea Garcíak, urrezko domina lortu dute Slalom-ean eta zilarrezkoa Gigante modalitatean Espainiako ski txapelketan, gazteen mailan, Baqueiran, apirilaren 3 eta 4an.

ELKARTRUKEAK 2016-2017
Elkartrukeak_2016-2017 Holandako eta Alemaniako ikasleekin egindako elkartrukeen argazkiak ikusi ditzakezue hemen.

ASIAR LIZTORRA
Asiar_Liztorra_2017-04-07 Aurreko urtean bezala, Arantza Royuelak asiar liztorrari buruzko formakuntza eskeini zigun lehen mailako ikasle, guraso eta irakasleei. HAUSPOA orduan burutu genuen eta oporretatik gatozenean, tranpak egitea eta institutu inguruan jartzea izango da gure ondorengo lana. Eskerrik asko Arantza eta Jokin zuen inplikazioagatik!

IBILBIDE ETA ZEBRABIDEAK AZTERTZEN
Zebrabideak_2017-04-05 Mankomunitatearen eskutik, AG21 eta IRAES taldeak Elorrioko ibilbide eta zebrabideak aztertzera joan ginen. Puntu beltzak identifikatu, egokiak ere azpimarratu eta herritar desberdinei mugikortasunari buruzko enkestak egin genizkien. Azken urratsa, ondorioak udal forora eramatea izango da.

"Book Trailer" LEHIAKETAKO IRABAZLEAK!!! Book Trailer-eko irabazleak Durangoko "Book Trailer" lehiaketan Elorrio Institutuko ikasle batzuek egindako bideoa saritua izan da, "Gerrateko ogia" liburuko trailerra hain zuzen.



ERROR (no puede mostrarse el objeto)

ETORRI BIZIKLETAZ EDO PATINETEAN ESKOLARA!
Bizikletaz edo patinetean Udaberrian sartu garela eta eguraldiaren laguntzarekin, ia animatzen garen bizikletan eta patinetean etortzen.

Danok eskertuko dugu, erabil ezazu parkinga!

GERRARI BURUZKO BIDEOA

2.mailakoek euren familiek gerra nola bizi izan zuten galdetu eta gero, gai hori buruzko hausnarketa egin zuten.

Hona eurek egindako bideo bat:

FARMAZIA FAKULTATEA (EHU, GASTEIZ)
Farmazia_Fakultatea_2017 Giza Nutrizioko eta Dietetikako irakaslea den Bittor Rodriguezen eskutik elikadura osasuntsuaren oinarriak ezagutu genituen eta laborategietatik egindako bisitaldian zehar dastamenarekin loturiko esperimentazioa nola burutzen den azaldu zigun.

NEUROZIENTZIAK (EHU)
Neurozientziak DBH3ko eleaniztasuneko ikasleak Leioako Medikuntza Fakultateko Neurozientzietako Saila bisitatzen izan dira bertako irakaslea den Nagore Puenteren eskutik.

Bertan zerebroak nola lan egiten duten ezagutzera emateaz gain, saguekin nola ikertzen duten ere azaldu ziguten, erabiltzen dituzten teknikak aipatuz eta laborategi eta gainerako tresneria erakutsiz.

Gure eskerrik beroenak Nagore Puente doktoerari eta bere taldekideei eskaini ziguten arretarengatik.

KONTSUMOBIDE
Kontsumobide Kontsumobide Martxoaren 16 eta 17an Kontsomobideren eskutik, “Elikadura osasuntsua” eta “Aisia eta kontsumoa” tailerrak burutu zituzten lehen eta bigarren DBHko ikasleek.

Gai interesgarriak benetan. Gurasoentzako tailerra zoritxarrez ez zen atera, eskaera txikia izan zelako. Ia datorren urtean posible den!

FENOLOGIA - MARTXOA
Fenologia - Martxoa Udaberrian sartu berri gara eta fenología taldekoek lanean jarraitzen dugu.

Dagoeneko arboletako pinportak zabaltzen hasi dira eta lehenengo lorak ere agertu zaizkigu. Ia igartzen duzuen zein arbola den lorak ikusita!

Aurten Emakumearen Egunaren inguruan honako gai hau aukeratu dugu:
Kultur desberdinetako emakumeak Elorrion eta munduan
Martxoaren 8a 1. Arlo desberdinetan ikasleak saiatu dira emakume esanguratsuen inguruko informazioa bilatzen eta beraien lorpenak ikustarazten munduko mapan.


2. Lehen eta bigarren mailako ikasleekin egin dugu lehiketa. KAHOOT!

Lehen mailako ikasleen artean irabazleak izan dira 1B ” Berriitsus ” taldeko kideak ( Eneko Eriz, Nerea Guillen, Haizea Bañales, Beñat Altuna).

SARIA 1DBHn : martxoko 11–12-13 asteburuan dagoen pelikulako sarrera ” Figuras ocultas
Martxoaren 8a

Martxoaren 8a 3. Mahai ingurua.2B taldeko ikasleekin. Marta (Colombia) eta Rose Mary (Bolivia).Kontatu ziguten neskak eta emakumeak beraien herrialdetan dituzten arazoak, jokatzen duten papela,okupatzen duten lekua, eskontzeko beharra batzutan etxetik ateratzeko modu bat bezala, ikasketetan dituzten oztopoak, mutilekin konparatuz ardurak eta aukerak, emakumeak dituzten helburuak,lan mundura sartzeko aukerak, zelan eta zergatik heldu ziren Elorriora, egokitze prozesuan aukerak eta arazoak, hemen aurkitu dituzten balore onak,...

Ikasleek oso ondo eta gustora egon ziren entzuten.

Gorka Santos ( bideo grabaketa) eta David Fuldain (soinua) arduratu dira. Bideo honen montajea egin ondoren beste ikasgeletan pasatuko dugu gaurko hitzaldia.

https://berdinguneelorrio.wordpress.com/

MARTXOAREN 8A
Martxoaren 8a Martxoaren 8an, Emakumearen Nazioarteko egunean, Estibaliz Apellaniz EHUko Estratigrafia eta Paleontologiako irakaslea DBH3ko eleaniztasun taldean izan da ikasleekin solasaldi bat izateko.

Berak landu duen gaia ondokoa izan da:

Lurraren historian zeharreko aldaketa globalak.

Nora goaz?

Bideo Edizioa. Kepa Solozabal (3A)

Bideo hau Kepa Solozabalek editatu du "Bideo Edizioa" ikasgaian.

Ongi Etorri Errefuxiatuak!

Bideo hau errefuxiatua den pertsona baten ikuspuntutik egina dago. Zure berdin, eskubide berdinak eduki behar dituzte.

Egileak: Gorka Santos, Matxalen Arando, Paula Vilariño, Kepa Eguren, Santi Perez.

GABONETAKO JAIALDIA 2016
Gabonetako_jaialdia_2016 2016ko abenduaren 23an, urtero bezala, Gabonetako jaia ospatu genuen: tortilla lehiaketa, "crepp" lehiaketa, kirol partidak, jaialdia … Dena giro alaian eta umore onean.

Erantzita egun horretan ateratako argazkiak ikus ditzakezue.

ERROR (no puede mostrarse el objeto)

FRANTSESEKO IKASLEAK BIRZIKLAPENAREN ALDE
Birziklatzen frantsesez Frantseseko ikasleak ere birziklapenaren alde. Horretarako ohitura onekin informazioa bildu eta pasiloan itsatsi dute. Merci

AG21 taldea, Bocn´rollari kantari!
Erabilpena sustatu eta areagotzeko kanpainak aurrera darrai!

SENTIMENDUEN INBENTARIOA
Sentimenduen_Inbentarioa_2017
Euskara eta Literatura arloan 1A, 1B eta 1C-ko ikasleek Sentimenduen Inbentarioa landu dute. Hona hemen beraiek landu eta eraldutako poemak.

Etilenoaren erabilera frutaren biltegiratze prozesuan
Etilenoaren_Erabilera DBH3ko Eleaniztasuneko ikasleak Zientzia Azokako lehiaketarako prestatzen ari diren ikerketa proiektuekin lotuta, Elorrioko Masa enpresara bisitaldia egin dugu.

Bertan ikusi ahal izan dugu platanoak nola biltegiratzen dituzten eta nola kontrolatzen dituzten tenperatura, hezetasuna, denbora eta etilenoaren kantitatea salmentarako heldutasun maila egokia lortu arte.

Horrez gain, patatekin ere nola lan egiten duten eta merkaturatzeko zakuetan nola batzen dituzten ere azaldu digute.

Gure eskerrik beroenak Josetxu Bravori eskaini digun denborarengatik.

OTSAILAK 11. EMAKUME ETA NESKA ZIENTZIALARIEN NAZIOARTEKO EGUNA
Otsailak 11. Emakume eta neska zientzialarien eguna Gaur egun ere, emakume eta neskek askotan nabariak ez diren hainbat oztopo aurkitzen dituzte zientzilari bilakatzeko bidean. Adibide garbia dugu ikasketak aukeratzerakoan egiten diren hautuak eta are eta nabarmenagoa da desoreka hori karrera zientifiko eta teknologikoei erreparatzen diegunean. Emakume eta neskek zientzietan sarbidea eta parte hartze parekidea izan dezaten, 2015eko abenduaren 15eko Nazio Batuen Batzar Nagusiak otsailaren 11 Nazioarteko eguna izendatu zuen urtero Emakumea eta neskak Zientzietan lekua izan dezaten.

SAN BLAS AZOKA ABADIÑON
SanBlas_Azoka_2017-02-03 Aurten ere 4Cko ikasleak Abadiñora joan gara azoka bisitatzera. Goizetik heldu eta lehenengo animaliak, tresneria eta postu desberdinak ikusi genituen. Behien artean, Limusinak, Pirenaikak, Txarolesak eta Karrantzako arrazakoak eta horrez gain, Gipuzkoa eta Arabatik etorritako zaldi eta astoak. Kordelak erosi, bertoko produktuetaz gozatu eta paseo bat eman eta gero, berriro Elorriora.

EUREKA MUSEOA
Eureka Museoa 2017-01-17 Pasa den urtarrilaren 17an 2.DBHko ikasleek Eureka Museoa bisitatzeko aukera izan zuten bertan besteak beste, Plastinazioa zer den ikusi ahal izan zuten, zentzumenek engainatu egiten gaituztela, fisikaren eskutik sortutako asmakizunak frogatu eta elektrizitatearekin lotutako fenomenoak in situ ikusi (eta bolondres batzuek beraien azalean sentitu ere)

SAHARARAKO JANARI BILKETA 
Sahararako janari bilketaSahararako janari bilketa egin da ikastetxean eta Abenduan Saharara joango den taldea antolatzen ibili da.

FENOLOGIA
Fenologia_2017_01_20 Berriro zuengana gatoz, beste arbola baten argazkiak erakustera. Ikusten duzuenez, aldaketa nabarmena da urtaroaren arabera, irailetik abendura bitartean ateratako argazkiak dira.

Zein da arbola honen izena? Aurrekoa lizarra zen.

ZERGATIK EZ DUZU BOC´N ROLLA ERABILTZEN? 
BOC'N ROLLErabiltzen ez badugu, denon artean eta urte batean, Elorriotik Bilborarteko distantzia gastatuko dugu alumnio paperean.

Kontuak atera!

1.DBH-koak SUKARRIETAN

Sukarrieta_2016

Joan den astean 1. mailako ikasleak Sukarrietan egon ziren Planeta eta Ura proiektuak lantzen. Horretaz gain, zeramika, argazkigintza, sukaldaritza, koadernaketa eta kosmetika tailerrak burutu zituzten. Primeran pasa zuten argazkietan ikus daitekeenez.

EUSKARA JALGI HADI PLAZARA!

Emakumeen Aurkako Indarkeriari Ez

EMAKUMEEN AURKAKO INDARKERIAREN AURKAKO EGUNA 2016

EMAKUMEEN AURKAKO INDARKERIAREN AURKAKO EGUNA 2016

GALIZIENTZIA 2016

Galizientzia 2016 Galizientzia 2016

Azaroaren 16tik 18ra Allariz (Ourensen) ospatu den Galiciencia Zientzien Azokan Elorrioko Institutuko DBH4ko ikasle bi (Elene Arando eta Patxi Eguren) joan dira Zorione Fundazuri irakasleak lagunduta. Bertara eraman duten proiektua THE ETHYLENE IN FRUITS deritzona izan da, aurreko ikasturteko ZIENTZIA AZOKAren edizioan saritua izan zena.

Galizian burutu diren jardunaldi hauetan, beste proiektu batzuk ezagutzeaz gain, matematikak zientzian duen aplikazioarekin loturiko tailerretan parte hartzeko aukera izan dugu. Azoka honetara 2000 ikasle hurbildu dira Galiziako ikastetxe desberdinetatik eta prentsaren aldetik jarraipen zabala izan du.

FENOLOGIA

Fenologia_2016_11_16

Aurreko urtean bezala, institutuan dauden zazpi arbola aukeratu eta eurengan klima aldaketak daukan eragina neurtzen jarraitzen dugu. Data desberdinetan argazkiak ateratzen hasi gara, fase desberdinak neurtu eta ondorioak urte batzuk pasatuta aterazeko gai izatea espero dugu. Hasteko argazki batzuk, eta zein arbola den zuek igerri. Ikasteko aukera ezin hobea da.

MUGIKORTASUN JASANGARRIA

Mugikortasuna_2016-11-03

Azaroaren 3an, osteguna, mugikortasun jasangarria bultzatzeko bizikleta-martxa burutu genuen Elorriotik zehar. Partaidetza txikia izan arren zazpi ausart animatu ginen, bost bizikleta, bizikleta txiki bat eta patinete batekin. Institututik atera, San Agustinera joan eta hemendik Argiñetara, geroago plazara eta azkenik institutuan amaitzeko. Eguraldiak eta giro onak lagunduta, maiatzean errepikatzeko erabakia hartu dugu, jende gehiago apuntatzeko erronkarekin.

ORTUA 2016-2017 
Ortua 2016-2017Aurten ere institutuko ortua martxan dago. Momentuz bankaden tarteak desbrozadorarekin garbitu ditugu eta ondoren bankadak jorratu. Azkenik berakatzak, baba beltzak, ilarrak eta tulipanak erein ditugu.

PEÑAS NEGRAS 2016-2017

Peñas Negras 2016-2017

Aurreko ikasturteetan bezala, urriaren 17an DBH 3.mailako ikasle batzuekin Peñas Negrasen egon ginen ( gainontzeko ikasleak urriaren 24an joango dira). Irteerak La Arboledako meatzaritza paisaiara eta meatzaritzak eraldatutako natur ingurunera hurbiltzeko aukera eman zigun. Halaber, burdin meatzaritzaren eta industri Iraultzaren inguruan zenbait azalpen jaso genituen eta guzti horrekin, ikasleek galdera sorta bat idatziz erantzun ahal izan zuten.

VALDEREJO PARKE NATURALA

Valderejo 2016-2017

Aurten ere Arabako Valderejo Parke Naturalean izan gara DBHko 4. mailako ikasle eta irakaseak. Lalastrako Parketxean azalpen batzuk entzun ondoren, Puron ibaiaren zehar doan 8 Km-ko ibilbidea egiteko eta inguruko natura ezagutzeko aukera izan genuen. Asko ikusi eta ikasteaz gain, eguraldi zoragarriaz ere gozatzeko aukera suertatu zitzaigun.

HABITAT EGUNA 2016

Urriaren 6a

Habitat Eguna 2016-10-06

Urtero bezela, berdezko etorri eta habitat eguna ospatu dugu. Aurten bizikleta eta patineteak ere ekarri dituzte ikasleek, eta hori dela eta barruko parkingean atera dugu argazkia. Gogoratu, aurtengo leloa “Klima aldaketaren aurrean, mugi zaitez” dela. Txoko beredea ere apaintzen hasi gara AG21eko bolondresekin!

Gurasoentzako Gida 1617

 

libroazul

 

 

 

SukaldaritzaKanala

 

agrega2

 

© Elorrio BHI
Telefonoa: 946582713 | Fax: 946582713 | idazkari@elorrioinstitutua.eus